Synål....

Kvifor setter eg overskrifta synål når bloggen handler om fiske? Har da skjønt at fluefiske er ikkje berre for menn. Når ein snakker om nåleknuter, så har eg mange nåler liggande i syskrinet. Så fluefiske er så absolutt for oss kvinner og. Så da må eg ha eit lite syskrin i sekken min og med fiskeutstyret mitt. Det finnes og noko som heiter å hekle. Eller som mor ein gang trudde når ho var nordpå og skulle ut med faren min for å fiske. For oppe ved Vega så seier dei "ut på syn". Så mor mi satt i båten og venta på når far min skulle ta fram sysakene. Eg syns denne historien alltid var morosam som barn. :)

Etter å ha sett på denne filmen korleis ein skal feste desse "gøttene" saman, altså fortom og skyteline, så dukkar det opp eit verktøy som eg ofte bruker i scrappesakene mine, nemleg syl.
Eg skulle jo eigentleg finne meg eit tips i kva for type nål ein brukte, men der kom det noko som eg ikkje har sett før....Men, eg trur eg kan klare meg med ei vanleg synål som eg har ein del av.

Korleis knyte på ein fortom?

Forbruksvare....

Kor mykje ein trenger til ei fluestang utanom stang og fluer, det veit eg rett og slett ikkje. Men, har høyrt at fortom er eit must å ha fleire av. Og så grønn som eg er nettopp på fluefiske så satser eg på at dei i butikken veit kva det er eg skal ha.

I dag hadde eg flask. Gjekk bort i kassa og lurte på om nokon hadde peiling på fluefiske, for det har jo ikkje eg. Og i kassa var det faktisk ein som hadde god peiling. Og godt er det, for eg veit jo knapt kva eg skal ha. Det er litt enklare å ta turen til Musikk Miljø og kjøpe seg eit kornett-munnstykke.

Eg endte opp med desse her. Da veit eg neste gang kva eg skal ha. Ta med seg emballasjen og seie at eg skal ha slike her. Dei veit og ta seg godt betalt.

Det som var mest moro var at ekspeditøren som hadde drive med fluefiske sidan han var 12 år, tipsa om at elva Ekso var kjempeflott å fiske i for nybegynnere.

Det er ikkje lange turen det. Kun inn til Eidslandet så er ein der ved Ekso.

Nytt kapittel :)

Da har eg fått meg ei fluestang. Einhandsfluestang. Har aldri fiska med ei slik fiskestang, kun ein gang på Villaksens Dag på Bolstad, men da med ei 2-handsfluestang.

Det einaste eg har gjort no er å tørrtrena i hagen ei kveld i regnet. Måtte tilbake til butikken med snella sidan den som fulgte med ikkje fungerte som den skulle. Fekk ei ny ei.

Eg tok turen innom Coop Extra på Voss med fluestanga i handa. Ut av butikken hadde ein med seg laks. Ikkje akkurat tatt med fluestanga nei. Fisken var god den som vi fanga i frysedisken i butikken. Men, satser på om eg klarer å få fisk med fluestanga da. Sidan eg da aldri har fiska med 1-handsfluestang, så skal eg holde meg langt unna desse proffene i sumar. Helst fiske på ei øde øy aleine slik at ingen kan sjå kor dumt det eigentleg ser ut når eg fisker med meg nokre "flygefisk" som sitter i trea. Eg fekk ein del av dei på Villlaksens Dag ja. :)

Driver og ser på youtube, men eg finner ikkje på nett frå han der som eg såg på youtube i fjor om fluefiske.
Eg har jo funne ut at ein kan lære seg alt på youtube. Alt frå å spele eit instrument til å fiske med fluestang og floge. Må vel hugse å pakke ned fiskeutstyr i tillegg til. Synd at fluestanga ikkje går ned i trippelbagen min. Neste gang blir det ei fem-deltfluestang og ikkje ei 4-delt. Eller putte inn fluestanga der notestativet skal vere? Ser kanskje litt dumt ut.

Fluestanga eg fekk meg er eit X-stream Northen Light 9' #6-7. Dei som kan det seier det mykje meir enn meg som er eigentleg totalt grøn på fluestenger og fluer. Men, no har eg da fiska omtrent sidan eg kunne sitje aleine i ein båt. Og har sjølvsagt fått fisk lenge før eg begynte på skulen og. I tillegg til at ein er født inn i ein familie som liker å fiske. Kor mange fiskestanger ein har hatt veit eg nok ikkje. Eller fiskesnøre for den sagt skuld. Det har blitt ein del opp gjennom åra. Men, så er det gøy å fiske og da. Spesielt om sumaren.